Home Speciale Përgatitet byreku më i madh në botë në Bosnjë e Hercegovinë, 650...

Përgatitet byreku më i madh në botë në Bosnjë e Hercegovinë, 650 kilogramë

0

Në qytetin e Tuzllës që ndodhet në pjesën qendrore të Bosnjë e Hercegovinës (BeH) është përgatitur byreku 650 kilogramësh për të fituar titullin “Byreku më të madh në botë

Byreku 650 kilogramësh i cili u vendos në një tepsi në gjerësi prej 6 metrash, u lëshua me vinç në Qendrën e Lirisë, ku u organizua aktiviteti.

Një pjesë e byrekut, përgatitja e të cilit zgjati 6 orë, pas matjeve të bëra nga zyrtarët e Librit të Rekordeve Guinness iu nda qytetarëve të grumbulluar në shesh.

Me këtë rast, organizatori i aktivitetit Omer Isoviç në një fjalim të mbajtur tha se qëllimi i kësaj përpjekjeje për të thyer rekordin është tërheqja e vëmendjes në kuzhinën tradicionale të BeH-së.

“Një pjesë të byrekut do t’u dërgojmë zjarrfikësve, policëve dhe shërbyesve spitalorë të cilët punojnë 24 orë për ne”, tha ai.

Isoviç tha se shpresojnë që brenda tre muajve të marrin përgjigje nga zyrtarët e Librit të Rekordeve Guinness lidhur me rezultatin e kësaj përpjekjeje për thyerjen e rekordit.

/Anadolu Agency (AA).

 

SHARE

LEAVE A REPLY

Please enter your comment!
Please enter your name here